اداء العمرة بفيزا السعودية ترانزيت الجديدة

تجربتي لأداء العمرة بفيزا السعوديه ترانزيت الجديدة : 

البوست طويل حبتين معلش عشان حبيت اكتب كل حاجه 😅😅 

في البداية حابب اوضح بعض النقاط المهمه والي أكدت عليها الخطوط الجوية السعوديه :

١- لازم وجهة الطيران تكون الى بلد اخرى زي لبنان او الاردن او الامارات، في حاله الذهاب والعودة لازم يكونوا مؤكدين ( في ناس كتبت انها جربت تعمل حجز ذهاب منفصل عن العوده وعدوا بيها ، عن نفسي حجزت الاتنين نفس الحجز ونفس شركه الطيران )  وساعتها هتاخد اختيار انك تعمل ترانزيت في الذهاب او في العودة . 

٢- في حاله ان حجزك ذهاب وعوده على نفس الحجز  مينفعش تكسر الحجز في النص ومتكملش الرحله للاخر لان دا هيلغي التذكره بالكامل . كمثال اقترحه بعض الناس ان لو رايح الاردن ترانزيت جدة اول ما تنزل جدة تخرج ومتكملش للاردن وفي العوده تاخد نص الطريق من جده لمصر فقط. سألتهم شخصيا في المطار وقالو هتتلغي باقي الرحله كلها ومعرض تدفع غرامه. 

٣- الخطوط السعودية اكدت ان مفيش باركود مطلوب حتى الان من قبل بوابه الحج والعمره في مصر 

=======================

*** الحجز : 

انا كنت بدور على بلد ملهاش فيزا للمصرين كان اودامي حلين اما لبنان او الاردن ، لبنان اقصى مدة ترانزيت لقيتها كان ٣ ايام ، ولقيت الاردن فيها رحلات بتوفر ترانزيت ٤ ايام ، ف اخترت الاردن 

*** طريقه الحجز : 

دخلت على موقع الخطوط الجوية السعوديه واخترت رحله من القاهره الى الاردن ذهاب وعوده بعد ٤ ايام ( لو هتحجز ذهاب وعوده على نفس الحجز لازم الفرق بين التاريخين يكون مساوي او اكبر من المده الي انت عايزها للترانزيت عشان يديك اختيارات يعني مينفعش تختار ذهاب وعوده بعد يوم واحد وتدور على ترانزيت ٤ ايام ، ف لو عايز ٣ ايام مثلا يبقى على الاقل يكون بين الذهاب والعوده ٣ ايام او اكتر ) ، هتلاقي الموقع بعد ما تدوس على البحث هيديك اختيار لو عايز تعمل عمره وتختار اما تكون في الذهاب او في العودة ، لو اخترت في الذهاب دا معناه انه هياخد عدد من الايام بين الذهاب والعوده يخليها ترانزيت في جدة والباقي في البلد الي هتروحها 

كمثال في الصور تحت ، اخترت القاهره الاردن ذهاب يوم ١٦ فبراير وعوده يوم ٢١ يعني خمس ايام ، واخترت اني اعمل عمره في الذهاب واخترت رحله من القاهره لعمان فيها ترانزيت جدة ٣ ايام فكده فاضل يومين  تقضيهم في الاردن الي هو ٢٠ و ٢١  ، فتلقائيا هو هيجيبلك رحلات العوده من عمان للقاهره في اخر يوم الي هو ٢١ 

في حالتي انا اجمالي الرحله الذهاب والعوده كان ٤ ايام خليتها ونص فاخترت ترانزيت في العوده ، فروحت الاردن حوالي نص يوم وفي العوده من الاردن نزلت ترانزيت ٤ ايام في جدة ثم القاهره 

بعد اختيار الرحلات بتملا بياناتك وبعدها هتلاقي صفحه فيها اختيار انك تقدم على الفيزا بتوديك لصفحه تانيه تملا بيانات وهتلاقيه زود 780 جنيه تقريبا 

سعر التذاكر : انا حجزت قبلها ب ٥ ايام لظروف شغلي فكانت غاليه شويه ، لبنان اقل سعر لقيته كان ١٢٢٠٠ ترانزيت ٣ ايام ، الاردن كان في ب ١٢٨٠٠ بس انا اخترتها felixable فبقت ب 14000 وترانزيت ٤ ايام ف اخترت الاردن . طبعا في اسعار اقل بكتير لو حجزت بدري شويه بس انا كنت محكم بإجازة .

الفيزا بتبقا نوعها فيزا مرور او ترانزيت ، دخول مره واحده صلاحيتها ٣ شهور بس المده المسموح لك فيها داخل البلد هي ٤ ايام كحد أقصى 

======================

تجهيزات بعد حجز الطيران: 

*** تطبيق نسك :

بتوصل الفيزا في خلال ساعه مثلا من الحجز ، بعدها تنزل تطبيق نسك وتسجل مستخدم جديد وتدخل رقم التاشيره وتختار حجز للعمره وتختار التاريخ والوقت وبعدها هيأكدلك الحجز ويديك تصريح بباركود ، بعدها احجز للروضه لو انت هتروح المدينة ،  ضروري جدا مش هتدخل الحرمين من غيرهم مهما حاولت وفي الوقت الي انت اخترته فقط .

*** باركود الاردن : 

لو رايح الاردن لازم تقدم على باركود قبل السفر ب ٧٢ ساعه احتمال يتطلب منك على الكاونتر او قبل دخول الطياره او هناك في جوازات الاردن هحط اللينك في الكومنتات 

*** تجهيز بعض الاوراق : 

١- تصريح امني لو مش مكتوب ليك وظيفه في الباسبور ، في حالتي مكتوب مهندس حر فمكنتش محتاج 

٣- تصريح الجيش لو مكتوب في الباسبور مطلوب للتجنيد 

*** متطلبات احتمال تتطلب منك وانت وحظك :

١- حجوزات فنادق ، في حالتي محدش طلبها مني في مصر بس في الاردن قولتلهم على اسم الفندق

٢- اثبات عمل في مصر ، في حالتي محدش طلبه بس سألو عليه في الاردن ، واخدت hr letter من الشركه احتياطي 

٣- فلوس تكفي  مده الرحله مش اقل من ١٠٠٠ دولار لو الاردن و ٢٠٠٠ لو لبنان ، في حالتي محدش طلب مني لاني كنت رايح ١٠ ساعات بس وقولتهم اني رايح ترانزيت مش سياحه 

================== 

الانتقالات : 

*** من مطار جده لمكة والعكس في ٣ طرق :

- قطار سريع لو حجزته من بدري بحوال ٣٤ ريال اونلاين من الموقع بتاعهم او التطبيق ، لو في المطار انت وحظك في ناس حجزت ب ٥٥ تقريبا وفي اغلى حسب الضغط ، اخر ميعاد بيبقا الساعه ١١ بليل يعني لو طيارتك الفجر دا مش اختيار 

- باصات ببلاش للحرم لو انت لابس الاحرام بتبقا كل ساعتين من مطار جدة ومن مكة بردو، بتاخد ساعه ونص في الطريق ، حطيت صوره للبروشور بتاعهم ، ودا اختيار رائع بصراحه ، بس اخره الساعه ١٠ من مطار جده واخره ١٢ من مكة يعني لو جاي الفجر مش هتلاقيه 

- عربيات خاصه بتبقا واقفه اودام مكان حجز القطار وعند الباصات بتحمل لمكه الفرد بيبقا بالاتفاق من ٥٠ ل ٧٠ ريال حسب الوقت والضغط 

**** من مكة للمدينه والعكس :

- قطار سريع بياخد ساعتين سعره على النت لو حاجز من بدري ١٣٠ ريال تقريبا و ٢٠٠ لو الدنيا زحمه 

- باصات النقل الجماعي بتبقا كل ساعتين بتتحجز اونلاين ب ٦٦ لو باص عادي و ب ١٠٠ لو باص فاخر وتقدر تحجز من المحطه نفسها ، بياخد ٥ ساعات 

- عربيات خاصه بتحمل بالفرد في موقف النقل الجماعي ، الفرد بالاتفاق متوسط ٧٠ ريال اقل او اكثر حسب الضغط 

*** من المدينة لجدة :

قطار بردو ب ١٧٢ ريال ، او طيران ناس مثلا بحوالي ١٥٠ ريال او اغلى شويه حسب حاجز امتى 

==================

الفنادق : 

الفتره دي زحام شديد في كل مكان والفنادق مليانه على الاخر عشان شعبان ورمضان . 

مكة :

حجزت عن طريق صديق لي عنده شركه سياحه ، في فندق ابراج الكسوة قريب من الحرم ، الغرفه المزدوجة ب ١٣٠ ريال في الليله والفندق فيه باصات من والى الحرم كل ١٥ دقيقه ، سعره على بوكينج كان ٢٠٠ ريال بعد الخصومات في الفتره الي حجزتها ، لو حد حابب اوصله بيه يبعتلي وهبعتله رقمه. 

الاردن عمان :

حجزت فندق جنب المطار بدقايق ، عنده عربيات بتوصل من و للمطار على مدار ٢٤ ساعه ببلاش اسمه Faraseen عباره عن شقق فندقيه نضيفه بصراحه كلفني حوالي ٥٥ دولار الليله في استوديو شخصين او ٣ على بوكينج،  وتقدر تحجز عن طريق واتس اب وتدفع هناك كاش ٦٥ دولار

المدينة : 

محجزتش فيها لان الفنادق غاليه جدا وخليتها صد رد 

==================

شروق يوم العمليه : 

*** مطار القاهرة 

توقع ان تلاقي الموظفين مش عارفين نوع الفيزا دي فخليك ثابت على موقفك ومهما يقول اكد ان مفيش باركود مطلوب للفيزا دي

 في lounge موجوده في terminal 2 بعد الجوازات عند بوابه E04 تبع mastercard كانت كويسه جدا وفيها اوبن بوفيه ونت سريع وكراسي مساج 😅😅 ، الحمامات نضيفه وفي كتير بيحرموا فيها  ، الصور تحت 

***** مطار الملكة علياء في عمّان :

في كتير كانوا كاتبين ان الفيزا للمصرين ٤٠ دينار او ٥٥ دولار ودا مش حقيقي هي ببلاش تماما ، روحت الشباك الظابط  استغرب طبعا اني جاي من جدة ورايح جدة بعدها ب ١٠ ساعات ، سألني على شغلي فين ورديت ووريته حجز العوده وحجز الفندق ، فقالي انتظر ٥ دقايق وهناديك ، بعدها ناداني مدير الجوازات قالي انت جاي تجدد اقامه السعوديه قولتله لا انا جاي عشان عمره ونازل ترانزيت هنا ١٠ ساعات وحاجز فندق لليله دي ، ف ختم الجواز ومشيت 

وانت مسافر من الاردن بعد الجوازات فيه lounge ظريفه ل ماستر كارد فيها اوبن بوفيه ونت سريع ومكان للنوم بس بيشترط ان الطياره تكون خلال ٣ ساعات بس انا شوفت ناس نايمه من بدري ف ممكن تكون بالحب . الحماماع نضيفه جدا وانا لبست الاحرام هناك

**** مطار جدة :

المطار فيه نت في كل مكان ، هتلاقي شركات الاتصالات في كل حته ، اوعى تشتري منهم لانهم غالييين جدا جدا جدا ، سعر الشريحه من ١٠٠ ريال ل ٣٠٠ ريال وهي في كل مكان في الشارع ب ٣٠ ريال . بعد الخروج هتلاقي يفط للقطار وهتلاقي في اكوا فيها حوض سمك كبير جنبه سلم بينزل على باصات الحرم المجانيه هياخدو بياناتك وتركب 

الخطوط الجوية السعوديه بتنبه في الطياره قبل ما تعدي على الميقات ب نص ساعه عشان لو حد حابب يحرم في الطياره بس انا انصح انك تحرم في المطار بعد الجوازات عشان بتبقا الطياره زحمه والحمامات ضيقه 

=================

ملحوظات 

اعمل اونلاين check in واختار الكرسي من بدري ، وقبل ما تطلع الطياره بشويه ادخل شوف الكراسي الفاضيه وغير الكرسي ، ممكن تلاقي كرسي extra leg او تختار كرسي مفيش جنبه حد

في مكة :

في شرايح بتتباع في الشارع وفي كل مكان ب ٣٠ ريال بتدي حوالي من ١ جيجا ل ٢ جيجا ، عن نفسي اشتريت eSim اونلاين ب ٥ دولار كانت كويسه جدا بس نت فقط عن طريق تطبيق اسمه Airalo

الحرم له باصات مجانيه في مكة ولها محطات كتير ، يعني لو نزلت من القطار السريع هتلاقي اودامه محطه لباصات مجانيه الحرم ونفس الكلام لو جاي باص 

الدخول لصحن الحرم للمحرمين فقط ، اما المصلين بيبقو فوق الادوار العليا فاعمل حسابك ان المره الوحيده الي هتبقا قريب نن الكعبه هي وانت بتعمل عمره فخد وقتك 

اسعار المطاعم من ١٢ ريال زي البيك مثلا 

تبديل العمله ممكن المطار او ابراج الساعه اودام الحرم ، واوعى تبدل جنيه مصري لانه سعره في الارض هنا ، بتوصل ل ٢٠ جنيه الريال الواحد. 

تقدر تعمل كذا عمره لكذا شخص لو مريض او متوفي ، بعد ما تخلص عمرتك وتتحلل تروح ميقات التنعيم ب ٣٠ ل ٤٠ ريال عربيه تستناك لحد ما تحرم تاني وترجعك الحرم 

التكلفه التقريبيه : 

١٤ الف تذكره ( بتوصل ل ١١ الف او اقل لو حاجز بدري ) + تقريبا ٧٨٠ تأشيره ترانزيت + ١٧٠٠ ليله في الاردن لشخصين + ٣٣٠٠ جنيه اقامه ٣ ليال في مكة غرفه مزدوجه لشخصين + ١٢٠٠ باص رايح جاي من مكه للمدينه ، ومن مكه لجده اخدت الباص المجاني = حوالي ٢٠ ألف لو شخص لوحده وهتقل شويه لو ٢ عشان الغرف المزدوجه ، تكلفه مرضيه بالنسبالي ل ٤ ايام

 

============ 

ارجو ان اكون افدتكم ، متنسونيش من دعائكم وربنا يكتب لكم جميعا زياره بيته ويتقبل منكم ❤

اولآ: الطبيعى ان البراز قاعدى او متعادل او قليل الحامضية

معلومة اليوم 

♦Stool pH measurement :

-------------------------------------------

اولآ: الطبيعى ان البراز قاعدى او متعادل او قليل الحامضية

pH (6.5 - 7.5)

ثانيآ : يكون البراز حامضى فى بعض الحالات المرضية مثل :

⓵ الاصابة بالانتامبيبا والذى يسمى الدوسنتريا الاميبياEntameba histolytica ( amoebic dysentery )

⓶ الاصابة بفيروس Rotavirus

⓷ عدم هضم وامتصاص السكريات فى لبن الاطفال

The stool acidity test is a test for diagnosing intolerance to lactose, the sugar contained in milk, in infants and very young children.

( disaccharidases carbohydrate malabsorption : ex. Lactose intolerance )

▲ لماذا يكون البراز حامضى عند عدم قدرة الطفل على هضم سكر اللكتوز باللبن ؟

بسبب نقص الانزيمات الهاضمة للكتوز عند الاطفال لايمكن هضم اللكتوز وامتصاصة من الامعاء الدقيقة ولذلك يصل الى القولون وتقوم البكتريا بالتغذى عليه وتحويلة الى 

lactic acid

والذى يسبب حامضية البراز وحدوث اسهال والم فى البطن

ثالثا : طريقة القياس : 

1- اما بستخدام جهاز

pH meter ( glass electrode ph meter )

2 - بستخدام ورق القياس

Ph indicator paper ( nitrazine paper )

--------------

لا يستخدم محلول الملح لانه سوف يغير

Stool pH

------------

رابعآ: المعدل الطبيعى للتحليل : 

Adults and Children: 6.5 - 7.5 

Neonates: 5.5 - 7

اقل من هذة الارقام تعتبر العينة حامضية وغير طبيعية لو جود خلل ما 

1- Stool pH less than 6.5 in adult and 5.5 in neonates is indicative of carbohydrate malabsorption ( lactose malabsorption )

2- High stool pH > 7.5 (alkaline) :may be associated with colon inflammation ( colitis ) , colorectal cancer., antibiotic use, excess protein in diet 

------------

▲خامسآ : شروط العينة :

Collect a random stool specimen and place at least 3 mL or 5.0 gm stool in a clean plastic container. Deliver to laboratory within 4 hours of collection.

Sample must be refrigerated or frozen if more than 4 hours is required to transport to the lab. Refrigerate up to 24 hours or freeze for longer storage. Liquid or solid stool is acceptable; do not add saline or water to liquefy sample

▣لماذا لا يستخدم الماء المقطر او محلول الملح مع العينة ؟

✑لانه سوف يؤثر على درجة الحموضة للعينة وسوف تعطى نتائج غير دقيقة

مثال : اذا لو لديك محلول عصير ليمون حامضى وضعت علية ماء ماذا سوف يحدث ؟ 

الذى سوف يحدث هو انك سوف تقلل حامضية الليمون كل ماتزيد اضافة الماء كل ما الحامضية تقل كل ما تزيد الماء كل ما حامضية الليمون تقل ويصبح مخفف وممكن يتحول من حامضى الى متعادل

الفكرة من التحليل ليس ان تقول البراز حامضى ام قاعدى وفقط

الفكرة انك بتقيس 

pH

للبراز وتعطى ارقام مثل

pH 4 or ph 5 or ph 8

وهناك معدل طبيعى يفسر حالة المريض 

وبناءا عليه لو ضعت ماء او محلول ملح على عينة البراز هغير درجة

pH 

وسوف نحصل على نتيجة غير دقيقة ولكن محلول الملح لو استخدم لن يحول المحلول الحامضى الى قاعدى لان محلول الملح محلول متعادل لكن هو ممكن يحول الحامضى الى متعادل او يحدث تغير فى درجة

pH

لذلك لا يجوز اضافة ماء او محلول ملح على عينة البراز ويجب ان تصل العينة الى المعمل فى مدة لاتزيد عن 2-4 ساعات ويمكن حفظها فالثلاجة لمدة 24 ساعة لحين القيام بقياس درجة الحامضية

Parasitology علم الطفيليات

Parasitology

مقدمة في علم الطفيليات 

Medical parasitology:- علم الطفيليات الطبية

هي دراسة طفيليات الإنسان وآثارها الطبية 

The study of the parasites of human and their medical consequences.

Parasitism:- التطفل

هي علاقة بين كائنين مختلفين..احدهما يسمى الطفيل والأخر يسمى المضيف

Is an relationship between two different organisms, one designated the parasite, the other the host. 

Host: المضيف

كائن حي يحتوي كائن حي اخر (طفيل) 

organism harboring a parasite.

Definitive host:- المضيف النهائي 

هو كائن حي يحتوي الطفيل البالغ أو المتكامل جنسياً ....

Animal harboring the adult or sexually mature stage of the parasite.

Intermediate host:- المضيف الوسطي

هو كائن حي يحدث فيه تطور ولكن لايصل الي عمر النضج..

Animal in which development occurs but in which adulthood is not reached.

Life cycle:- دورة الحياة

لأسباب التكاثر تتطور العديد من الطفيليات من خلال عدد من

المراحل المورفولوجية والعديد من البيئات أو المضيفين المختلفين  وهو تسلسل يشار إلى المراحل المورفولوجية والبيئية بدورة الحياة من حيث التكاثر الجنسي و اللاجنسي 

For reproductive reasons many parasites develop through a number of morphological stages and many different environments

The sequence of morphologic and environmental stages is referred to as the life cycle.

Infective stage:- المرحلة المعدية

مرحلة في دورة حياة الطفيل يمكن ان تصيب الأنسان

It is a stage in the life cycle of the parasite that can infect human.

Vector:- الناقل

مفصليات الأرجل أو ناقل حي آخر ينقل الكائن الممرض من مضيف مصاب إلى مضيف غير مصاب بالعدوى

an arthropod or other living carrier that transports a pathogenic organism from an infected to anon-infected host.

 

Carrier:- الناقل

مضيف يحتوي طفيل ولكن لا تظهر عليه علامات أو أعراض طبية

a host that harbors a parasite but exhibits no clinical signs or symptoms.

What are the types of parasites that attack human?

ما هي أنواع الطفيليات التي تهاجم الإنسان؟

تعيش الطفيليات الخارجية على جسم الإنسان

Ectoparasites live outside on the human body

تعيش الطفيليات الداخلية داخل جسم الإنسان ، مثل الأميبات أو الديدان.

Endoparasites live inside the human body, e.g. amoebas, worms.

What is the mode of parasitic infection? 

ماهي طريقة العدوى الطفيلية 

1)-Bite of vector لدغة الناقل

2-)Auto infection العدوى الذاتية

3)-Congenital خلقي

4)-Sexual contact الأتصال الجنسي 

5)-Penetration الأختراق 

6-Inhalation الأستنشاق

What are the general effects of the parasite on the host?

ماهي التأثيرات العاملة للطفيل على الانسان (المضيف)

1)-Mechanical destruction تدمير ميكانيكي 

2)--Obstruction إعاقة 

3)-Allergic الحساسية 

4)-Secondary bacterial infection عدوى بكتيرية ثانوية

5)-Anemia فقر الدم

6)-Abdominal pain and diarrhea الآم في البطن وإسهال

Classify parasites according to habitat? 

تصنيف الطفيليات على حسب موضع نشأتها 

1)-Intestinal parasites as Giardia lamblia

طفيليات معوية مثل الجارديا اللمبلية

2)-Tissue parasites as trichenlla spiralis

طفيليات أنسجة مثل شعرنية حلزونية

3)-Blood parasites as plasmodium malaria

طفيليات الدم مثل الملاريا 

4)-Urinary tract parasites as trichomonas vaginalis

طفيليات المسالك البولية مثل المشعرات المهبلية

السفر للخارج وفرص عمل بالامارات

الربح من الانترنت

https://youtu.be/Kf3x13Kos2Q

انواع الادوية الهامة اثناء عملية الجماع

https://youtube.com/watch?v=k65pHGCC_E0&feature=share

Costco site invitation