قصة السفر للسعودية - اللي عايز يسافر من المصريين (للاطباء فقط) و(للسعوديةفقط)

اهم 15 موقع اعلانات

1-وظايف
http://www.wzayef.com/jobs

2-وظائف 
http://www.wza2ef.com/jobs/Medicine_and_Pharmacy_jobs/

3-تنقيب مصر
http://egypt.tanqeeb.com/ar

4-تنقيب السعوديه
http://saudi.tanqeeb.com/ar

5-شغلانتي
http://www.shoghlanty.com/

6-موقع jobssss بينزل اعلانات الاهرام اسبوعيا
http://www.jobssss.com/job-category/health-medicine/

7-بيزات مصر
http://www.bezaat.com/egypt/cairo/jobs/all/1

8-بيزات السعودية
http://www.bezaat.com/ksa/riyadh/jobs/all/1

9-السوق المفتوح مصر
http://eg.opensooq.com/…/%D8%B7%D8%A8-%D8%AA%D9%85%D8%B1%D9…

10-السوق المفتوح السعودية
http://sa.opensooq.com/…/%D8%B7%D8%A8-%D8%AA%D9%85%D8%B1%D9…

11-موقع وظائف مصر
http://jobsmisr.com/…/healthcare-medical-%D8%B7%D8%A8-%D9%…/

12-جريدة الوسيط المصريه 
http://eg.waseet.net/…/cairo/jobs/all/listing/medical_health

13 -دوبيزل
https://egypt.dubizzle.com/…/ca…/jobs/medicalhealth/search/…

14-موظف
http://www.mozaf.com/…/%D9%88%D8%B8%D8%A7%D8%A6%D9%81-%D8%B…

15 -موقع المهن وده بيجيب اعلانات من كذا موقع مختلف
http://www.almehan.com/%D9%88%D8%B8%D8%A7%D8%A6%D9%81-%D8%A…

اللي عايز يسافر من المصريين (للاطباء فقط) و(للسعوديةفقط)؟عليه مايلي:
كتبته ونشرته 16 سبتمبر، 2013، الساعة 12:14 مساءً
ودي تاني مرة أنشرها ؛ أقبل النقد البناء والتصحيح 
للنشر العام لمن أراد 
ده لينك تحميل pdf
https://db.tt/N8zGzv5U

بسم الله الرحمن الرحيم والصلاة والسلام علي اشرف المرسلين سيدنا محمد صلي الله عليه وسلم :ـ
فهذا ما قد علمت من قصة السفر للسعودية للاستفادة من الزملاء والزميلات وبالذات للاطباء حديثي التخرج 
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اولا :ـ عايز تسافر ليه؟
إذا كنت عايز تسافر لتحسين الدخل وعشان المسؤليات توكل علي الله سافر .
إذا كنت عايز تسافر هروبا من الواقع فقط لا لتحسين الدخل انصحك خليك عندك الواقع هنا (أَمَرٌ) _الغربة وضريبتها _
إذا كنت عايز تسافر للرفاهية دينية او دنيوية _دينية تعالي هنا _ دنيوية ماتفكرش في الخليج تماما .
إذا كنت عايز تسافر عشان التعليم هاقولهالك بالفم المليان ( إنسي) خليك عندك احسن انت هنا في نقصان .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ثانيا :ـ لو نويت السفر تعمل ايه عشان تقصر المسافات ؟
الخطوات بالترتيب :ـ
1- تروح الجوازات تعمل جواز السفر . ولو انت طبيب امتياز في البطاقة غيرها الي طبيب بشري عشان الجواز بيطلع بنفس مهنة البطاقة ودي بتبقي مشكلة مع التاشيرة.
2_ تروح النقابة تطلع شهادة حسن سير وسلوك ( وبعدها تروح علي مكتب الخارجية الي في المحافظة بتاعتك وتعمل تصديق خارجية ).
3_ تروح المديرية تطلع شهادة خبرة _بعد ختم المديرية ختم سكرتير المحافظ ثم الخارجية بالترتيب.
4_ تروح الجامعة تطلع شهادة البكالريوس كارتون وتصدقها من امين الجامعة ثم الخارجية.
5_ تروح شئون الطلبة وتطلع شهادة بالامتياز والتقديرات وتصدقهما من امين الجامعة ثم من الخارجية .
6 _ اي شهادة معاك من اي مكان دورات ( لغة _ حاسب _ دورات علمية ندوات ) معتمدة صدقه من مكانه ثم من الخارجية .
ارفع (6) اشياء السابقة علي ايميلك كل شهاداتك مع الباسبور ثم اكتب سيرة ذاتية محترمة وياليت بالenglish
وخليهم عندك علي الايميل مع كتابة ارقم للتواصل معك ماتنساش تثبت ايميل وارقام معينة.
كل الكلام ده ليه عشان قد يفوتك عرض كويس جداجداجدا عشان باسبورك فاضل عليه اسبوع والكفيل مستعجل وعايز يخلص التاشيرات في السفارة وحصل لناس كتير جدا .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ثالثا :ـ ماهي الخطوة التالية ؟؟
انت الان اخذت اول خطوة علي طريق السفر واعلم ان السفر غربة وفيها ما فيها من ضرائب ( في غني عن الكلام عنها ) لكن اعتبر نفسك سافرت الان ( هاتسافر فين وعلي كام وكم عدد ساعات الشغل وفيه استدعاء ولا مافيش وفيه اوفر تايم ولا مفيش واخبار السكن ايه والاجازة السنوية والمكافئة السنوية والتجديد مع الزيادة وبدل السكن وتاثيث السكن واستقدام الزوجة/الزوج الابناء والاجازة الاسبوعية وطبيعة العمل وفلوس الاستقدام للزوجة والاولاد ) كل ده ...؟؟؟؟؟؟
اومال انت مسافر بلد مش بلدك علشان الفلوس والراحة يعني بالعربي انت تعبان في بلدك يعني مش ناقصة خنقة .
برده عايز تقول ايه ؟؟؟؟؟ عايز اقولك خد بالك من دي نقطة نقطة .
طيب ازاي ؟؟؟؟؟؟
اتفقنا انك رفعت شهاداتك علي الميل , هاتعمل ايه???
تفتح كل المواقع للسفريات زي ( بيزات_ وفرص عمل _ وغيره ) او بالبحث في جوجل
اكتب فرصة عمل ل( واكتب تخصصك) هتلاقي نتائج البحث ادخل وشوف العرض هتلاقي ايميل ابعت عليه السيرة الذاتية بالشهادات .
او بالاتصال علي التليفون اللي موجود في الاعلان ( واساله علي العرض ) اللي موجود وخد بالك مما يلي :ـ
اللي يقول تعالي المكتب (مكتب السفريات) في مقابلة اضرب بكلامه عرض الحائط وماتروحش الا لما تعرف العرض 
اللي يقولك العرض مع المقابلة ماتكملش معاه المكالمة هو مش عارف حاجة وهاتتعب فريح نفسك
اللي يقولك المقابلة مع وكيل الكفيل وغالبا بيكون مصري ( ابقي خد بالك جدا ) كثير جدا بيكون نصب .
طيب عمال تقول العرض العرض العرض هو ايه العروض المناسبة :ـ؟
العرض زي ما قلت قبل كده بيشمل كل حاجة ( المكتب اللي هتسافر من خلاله_الراتب_ حكومي ولا خاص_ السكن_ الاجازة _ المكان ( المدينة)_ مكان العمل( المستشفي او المستوصف)_ المكافئة_ التجديد_ مدة العقد_ طبيعة العمل_ عدد ساعات العمل _ الاستقدام للاولاد والزوجة_التامين الطبي _ بدل السكن _ الاستدعاء والبدل بتاعه _عمولة المكتب ـ امتحان البرومترك )
نمسك واحدة واحدة
*
المكتب اللي هتسافر من خلاله:ـ

مكتب التوظيف السعودي
ــــــــــــــــــــــــــــــــ

( يعني شغل حكومي ) يعني ماتسالش علي الباقي لانه سيستم ماشي علي الكل (مشكلته)
المكان اللي هاتروح فيه ممكن مايكونش مناسب (يعني ممكن تترمي في قرية) علي حسب المنطقة اللي انت مختارها (لو انت طبيب عام) ولو مقيم بيشغلوك في كل حاجة يعني لو جراحة بتشتغل طوارئ لكن الاخصائيين مرتاحين جدا 
باقي الحاجات اللي المفروض بتسال عليها (اقولك ماتسالش ) الراتب كويس وبدل سكن 3 شهور من الراتب واجازة سنوية تصل الي 56 يوم مدفوعةة الاجر ونص شهر مكافئة غير الزيادة السنوية وليك اربع تذاكر طيران ليك ولاولادك والاستقدام عليهم و8 ساعات عمل ولو استدعاء بيتحسب بالدقيقة غير الاجازة الاسبوعية والاجازات الرسمية غير ان بعض الاماكن بياخدو جمعة وسبت اجازة 
جدول الرواتب معروف ممكن تتطلع عليه من اي مكان ( يعني راتب الطبيب العام يصل الي 6700) شهريا قابل للزيادة في الاماكن النائية والخبرة

المكاتب الاخري (الخاصة)
ـــــــــــــــــــ
تختلف من معاملة لاخري لكن فيه مكاتب معروفة ان هي سيئة السمعة بامكانك تدخل علي جوجل وتعرف من خلال مقال لاخونا د.احمد رفعت عدلي فيه بعض اسماء المكاتب السيئة والحسنة السمعة 
لكن ممكن حضرتك تحكم بنفسك علي المكتب من خلال المعاملة 
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لو فيه عرضين خاص وحكومي اختر الحكومي حتي لو مزايا الخاص تفوق الحكومي شوية 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الراتب والنسب 
(للطبيب العام في الخاص مايقلش عن 6 ويصل الي 8) وفي الحكومي مدرج ومعروف للمقيم مش اقل من 8 للاخصائي علي حسب التخصص وبيبدأ من 12
النسب بتختلف من مكان الي مكان وطبعا كله في الخاص بعض الناس بتحسبها من فوق ال40000 يبقي ليه 10% وبعض الناس يقولك باtarget يعني لو وصلت 20000 في الشهر ليك 1000 ريال زيادة ولو وصلت 40000 ليك 20000 وهكذا 
وفي ناس من اول كشف وهما ليهم نسبة 5% من اجمالي الدخل 
كده او كده دي ارزاق لكن اياك من الحرام ولا ترضي الناس في سخط الله 
لكن لو خيرت اختر نسبة 5% علي اجمالي الدخل 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طبيعة العمل وعدد الساعات والاستدعاء
في الحكومي 8 ساعات فقط لا غير ( الدقيقة الزيادة بفلوس وحقك محفوظ) وبتشتغل اللي اتفقت عليه في مصر يعني طبيب عام يبقي طبيب عام لكن بعض المقيمين بيشتغلو يوم طواريء في المستشفيات اجباري في بعض الاماكن .
في الخاص يقولك 8 ساعات ويقسمهملك علي فترتين الصبح وبالليل والاستدعاء بعض الناس بتحسبه 10% من اجمالي الدخل خارج الدوام وناس تانية 15% واخري 20% حسب الاتفاق والتخصص والحاجة 
بعض الناس في الخاص بتحسبها بالساعة علي الساعة ساعة ونص زي شركات التشغيل فانت غير مطالب بالدخل انت خدمة للمكان وبتعطيهم العلاج مجانا من الصيدلية الموجودة يعني مفيش دخل 
وبعضهم بتحسب الساعة ساعتين 
لو خيروك في الخاص او تكلمتو في هذه النقطة فالافضل 15% علي اجمالي الدخل وليس قيمة الكشف انتبه!!!!!!!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

السكن الافضل لك ان تكتب بدل سكن 3 شهور من الراتب حتي لو قال انه موفره قولله لما اشوفه هناك نلغي البند لو رفض اكتب في العقد سكن كامل عائلي مؤمن كامل الاثاث طبعا تقريبا الخاص بيعمل السكن فوق المستوصف او المستشفي خد بالك لو في بند استدعاء ان شاء الله مش هاترتاح ابقي خد سكن برة عشان الراحة كل حالة لو صداع هاينزلوك في نص الليل (مجرب)
________________________ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الاجازة في الخاص اقصاها شهر بعض الناس تصر علي 21 يوم سنويا بس مش اقل من ده يعني ماتوصلش 15 يوم
لكنت بتزيد عن كده في الحكومي 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الاماكن من حيث الافضلية 
1_المدينة المنورة بجوار رسول الله صلي الله عليه وسلم وطبعا غالبا بتبقي اقل في الفلوس 
2_ جدة والجبيل و الدمام والرياض وتبوك
3- مكة 
4_ باقي المملكة 
لو عايز دينيا والحرم والعمرة والحج اختر علي الترتيب ( المدينة _ جدة_ مكة)
الجنوب اغلبه وحش 
ملحوظة مهمة الكلام هنا ليس عن السعوديين فكلهم افاضل نحسبهم علي الله لا نزكيهم لكن انا بتكلم عن الادارة ( في المستشفيات في هذه الاماكن وعلاقتها بالاطباء 
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مكان العمل 
1_ إذا كنت علي حكومي مطرح ما هايودوك هاتروح مش هاتقدر تتكلم الا في المرحلة التانية مع تجديد العقد وبعلاقاتك ممكن تغير المستشفي او الوحدة الصحية بس بعدين .
لكن اذا كانت لك حرية الاختيار بين المستشفي العام والوحدة الصحية فاختر الوحدة اذا كنت طبيب عام 
واختر المستشفي اذا كنت مقيم 
2_ إذا كانت شركات تشغيل ماسكة هيئات حكومية توكل علي الله غالبا بتبقي جميلة وشغلها مريح لكن اعرف هايكون فيه تغيير في الاماكن كل فترة ولا ثابت.
3_ أذا كنت علي مستوصف خاص او مستشفي لو انت طبيب عام مش هاتفرق لو انت مقيم خليك في المستشفي افضل لان العيادة هاينحروك شغل اما المستشفي هايكون فيها غيرك كتير يعني شفتات اما المستوصف ممكن تفضل شغال بعد الدوام الرسمي 8 ساعات تشتغل الباقي استدعاء وياسلام لو السكن في نفس المستوصف او المستشفي 
المستشفيات الخاصة والمستوصفات موجودة في ملف تبحث عنه في جوجل اسمه ( مستشفيات في السعودية تسيء التعامل مع الاطباء ) الكلامده صحيح 90 % . (من خبرة الاطباء) كلهم
طيب جالك عرض الان تعمل ايه ؟؟؟؟؟؟؟؟؟
تسال صاحب المكتب عن المستوصف او المستشفي وفي اي مكان في السعودية
وبعدين ادخل علي جوجل واكتبه وشوفه في المستوصفات سيئة السمعة ولا لا وابدأ اسال عنه زمايل في كل الجروبات والمنتديات الخاصة بالسفر اكيد هتلاقي اللي يفيدك ان مالقيتش شوف حد يسالك عنه في السعودية من قرايبك لو ما عندكش حاول تتواصل مع اي حد شغال في نفس المكان علي الفيس او تويتر لو ما امكنش والعرض كويس توكل علي الله وجرب حظك.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
المكافئة في كل العقود نصف شهر من الاساسي عن كل سنة 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
التجديد بيبقي قبل شهرين او تلاتة من نهاية مده العقد الاولي ويتكتب بند انك لو ما اردت ان تجدد تاخذ استحقاقاتك كاملة عن الفترة الماضية بما فيهم المكافئة والتذاكر وفلوس الاجازة السنوية 
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مدة العقد يفضل ان تكون سنة لانك ساعات كتير بتبقي خلاص يا اما نفسك تغير شروط العقد او عايز تنزل علي شيء افضل 
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الاستقدام للزوجة والتذاكر 
في الحكومي بيبقي ليك ولاتنين من اولادك مع تذاكر الطيران ليك ولزوجتك واتنين من اولادك
الخاص بيقرفك وانتبه للنقطة دي الاستقدام معناه ان هو هايجيبهالك من مصر وانت هنا ويبقي مسئول عن دفع فلوس الاستقدام بتبقي بالاتفاق لكن الخاص تقريبا بيقول علي الطبيب حتي فلوس استقدام الاولاد
اتفق معاهم ان دي عليهم 
التذاكر
يكتب في العقد له تذكرة طيران وليس السفر بوسيلة يعني حدد كلمة الطيران
التذاكر ذهاب وعودة عليهم بالنسبة للاطباء اما الزوجة والاولاد دي بالاتفاق لكن كن حريص ان هما اللي يتحملو فلوس الطيران ذهاب وعودة للزوجة و2 من الاولاد ( اصل الموضوع ده نسبة وتناسب وفيه اخذ وعطي مع الكفيل )*
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
التامين الطبي :
في الحكومي يكون شاملا ليك ولزوجتك ولاولادك
في الخاص لابد من كتابة ذلك في العقد 
يكون شاملا ليك ولزوجتك ولاولادك لان هنا في افترا في اسعار الدواء
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عمولة المكتب 
خد بالك جدا جدا انك تتففق علي عمولة المكتب قبل ماتمشي في اي اجراءات 
القانون اللي كل الاطباء ماشية عليه والمكاتب كلها عارفاه ان عموله المكتب للاطباء ما بتزيدش عن 5000 جنيه خد بالك جنيه 
ممكن تزيد شوية اه ممكن يعني توصل 6000 بالكتير لو ضرب نفسه بالنار ههههههههههه حلوة بالنار دي(ماتسمعلوش ) هايعملك البحر طحينة واصل العقد ونسبة مكتب العمل والضرايب والمعقبين والمكتب والعمال سيبك منه لان هو اصلا بيبقي واخد من الكفيل فلوس وفلوس النسبة والضرايب دي حجة واهية واخرهم 2% من العقد في السنة وبيمشوها يعني لو راتبك 6000 ريال يبقي 6×12= 72 ×2% يساوي 1400 جنيه طبعا ده وهم هايقولك علي السنة وهي بتتحسب علي قيمة العقد نفسه يعني بيتحسب علي 6000 ريال بالمصري حوالي 11000 يعني هو بيدفع حوالي 150 جنيه 
ثانيا اياك ثم اياك تديله فلوس قبل مايخلص اي حاجة تقوله بالفم المليان انا هادفع الفلوس كاملة مع استلام العقد والتاشيرة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واخيرا اياك تسافر بدون عقد موثق من السفارة وممضي من الكفيل نفسه ومختوم جميع الاختام ( السفارة والخارجية ومكتب العمل وختم الكفيل )
يعني المكتب اللي يقولك هاعملك عقد سوري عشان اعديك بيه بس وتاخد بيه الاجازة من الشغل ماتكملش اللقاء احسن او اقفل المكالمة افضل .
بعد اللقاء اطلب انك تشوف العقد وتقرا بنوده كلها قبل ماتوافق علي العرض يعني ماتتفقش (بالبق ) دي تاني مرة اندم اني ماكتبتش كلام كتير في العقد اتفقنا عليه
هنا ما بيعترفوش الا بالشهادات والعقد غير كده انسي الانسانية والاحترام المتبادل وغيرهـ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
امتحان البرومترك
حاول تمتحن عندك افضل من هنا يعني وانت لسة علي البر 
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ده الجزء النظري (paper)
الجزي العملي 
دخلت لقاء (iterview) مع الكفيل وليس الوكيل
خليك واثق من نفسك جدا 
ماتتكلمش زيادة 
خليه يكمل كلامه كله للاخر وماتقاطعوش ويا حبذا لو تكتب البنود اللي قولنا عليها في ورقة وتعلم علي كل واحدة .
مش هاقولك علي لبسك ولا قعدتك علي الكرسي قدامه 
خلي عندك ثقة وهو اللي يبدأ يسأل بعد عرض الشغل اللي عنده 
انت تبدأ تسال في الاخر 
طبعا بيبقي مرفق معاك كل الشهادات (صور) مع السيرة الذاتية في اي مكان تروحه وتكون مخلص كل اللي اتفقنا عليه في بداية الكلام (الاشياء الستة)
تبدأ تتناقش معاه عن كل شيء علي حده
ــــــــــــــــــــــــــــــــــــــــــ
لو الموضوع في التليفون 
بيبقي كالتالي ( اوك تعني موافق _ لا تعني غير موافق) ( 1 تعني المكتب _ 2 تعني الطبيب )
ا- السلام عليكم
2 وعليكم السلام
1- حضرتك فلان الفلاني
2- نعم
1 حضرتك بعتلنا السيرة الذاتية علي المكتب عشان العرض الفلاني 
2 نعم ايه هو العرض فكرني بيه ( مع انك قريته عشرين مرة بس اهو تسمع تاني)
1_ العرض فيه كذا كذا كذا 
2 طيب ابدأ اسأل بالترتيب ( _اسم المكتب اللي بيكلمك _العرض حكومي ولا خاص_ الراتب كم_ فين_ المستوصف اسمه ايه _ عدد ساعات العمل _ الاستدعاء _ النسبة_ الاجازات _المكافئة السنوية_ الاستقدام للزوجة والاولاد حتي لو انت عازب_ طبيعة العمل_ وعمولة المكتب كم)
من البداية لو قالك العرض مع المقابلة وهو مايعرفش تفاصيل العرض قوله طيب لما تعرف التفاصيل اتصل علي عشان انا مش فاضي
لو قالك من البداية اسم المكتب وهو سيء السمعة ( اكتمها في نفسك ) واسمع منه العرض اهو فضول يعني واتناقش في كل حاجة اكنه عرض من مكتب كويس
لو قالك اسم المستوصف وهو سيء السمعة برده كمل العقد وخد خبرة 
تفاصيل الباقية في الكلام السابق 
لو قالك عمولة المكتب بعدين اعرف ان هو نصاب العمولة للاطباء معروفة عند كل المكاتب 
نصيحة اخوية خلي الباب متوارب مع جميع المكاتب وماتقفلش السكة في وش حد وانهي كلامك مع اي مكتب بالطيب وقوله لو في فرصة احسن كلمني. دي مش هاتناسبني 
يعني خلي الباب مفتوح حتي لو اتفقت مع مكتب تاني مش ممكن يجيلك عرض احسن انا شخصيا حصلتلي لولا ان الباسبورات كانت في السفارة كنت سحبتهم من المكتب وكنت قدمت في العرض التاني.

وخد بالك انك دكتور ( اي والله دكتور) لا يغرنك انك تعبان في بلدك ماديا لكن حط رجل علي رجل وانت بتختار بين العروض وما تستعجلش ولا يغرنك الراتب علي المكان والحياة يعني ايه رايك ان انا كان جايلي عرض وانا طبيب عام علي 9000 ريال اي والله علي 9000 ريال لكن تخيل فين ( علي الحدود مع اليمن في مكان حرس الحدود في مكان تشغيل لا فيه لا ميه ولا كهرباء ولا شبكة نت ولا شبكة محمول ولا اي وسيلة للحياة واقرب مكان لينا كان بعد 250 كيلو وبيقوللي كده لما سالتو طيب ممكن يكون فيه تواصل مع الاهل _سؤال استكاري تعجبي غرضه السخرية_ قاللي ممكن عن طريق القمر الصناعي وده كل اسبوعيين!!!!!!!!!!!!!! الغربية بقي ان كان فيه دكتورة وموافقة علي العرض ده وكانت مبسوطة جدا سبحان الله!!!!
المهم عايزك راسك مرفوعة وانت بتتكلم واتنك براحتك وخد راحتك لحد لما تلاقي عرض كويس يناسبك انا عن نفسي لما تلسعت من السفرية الاولي قعدت 5 شهور في تواصل مع المكاتب والعروض لحد لما حفظوني وكانو بيتصلو علي اجيبلهم ناس (هههههههه)

انتهينا من الجزء الاول 
الجزء الثاني لمن اتفق علي تاشيرة عمل يعمل ايه 
موضوع الاجازة والكشف الطبي وغيره هاشرحه بالتفصيل قريبا 

===================

منقول للاستفادة لجميع الاطباء

===================




Best Wishes: Dr.Ehab Aboueladab - Email:ehab10f@gmail.com