خطوات ما بعد الفوز ان شاء الله بالهجرة العشوائية اللوتري
اول شئ بعد معرفة فوزك بالقرعة العشوائية عليك بملئ DS260 من نفس موقع اللوتري
صفحات DS260 كثيرة جدا بعد كل صفحة تخلصها اعمل save ولازم تكون دقيق جدا في إدخال البيانات لان اي خطأ مقصود او لا هيعتبر كذب و تضليل و ممكن تترفد بسببه
هتتسال في كل شئ في DS260 ولازم تكون اجباتك متطابقة مع البيانات الي دخلتها وانت بتقدم في اللوتري و بتحدد العنوان الي هتقعد فيه هناك عشان يبعتلك عليه الجرين كارد
طيب مثلا انت كنت اعزب أثناء التقديم و الان انت تزوجت لازم توضح ده في اجابتك مش بس تقول انك متزوج
وبتحدد مكان السفارة الي هتعمل فيها المقابلة و هي بلد اقامتك
بعد اما بتخلص كل البيانات بترسلها و بيظهرلك رسالة تفيد بإرسالك كافة بيانات DS260 و دي بتحتفظ بيها و تضمها للملف الي هتروح بيه السفارة
لو اكتشفت انك غلط في شئ هتضطر تخاطب كنتاكي تفتحلك DS تاني لانه لا يمكن التعديل فيه بعد ارساله فحاول تكون دقيق جدا
بعد كده بتستني تتابع النشرات الي بتنزل في الموقع نفسه بيقولك الشهر ده المقابلات مثلا لحد رقم كذا و انت بتستني لحد اما يجي رقمك
و بيتبعتلك علي الميل الي ارسلته ميعاد المقابلة و الأوراق المطلوبة
ايه هي الأوراق المطلوبة للمقابلة ؟؟
١- جواز السفر
٢- شهادة الميلاد
٣- الفيش و التشبيه
٤- شهادة الجيش للبلاد الي فيها خدمة عسكرية إلزامية فقط
٥- شهادة المؤهل الدراسي
٦- ملف الفحص الطبي " بتاخد ظرف مقفول و سي دي الظرف ده ممنوع تفتحه لو اتفتح هتترفض"
الكشف الطبي بيكون في مستشفى معتمدة تبع السفارة في بلدك
بالنسبة لمصر بيتعمل في مستشفي الشروق و مستشفي انجلو أميريكان خلي بالك حاول تخلي الكشف اخر حاجة مثلا قبل المقابلة ب اسبوعين عشان لما تنجح في المقابلة التأشيرة مدتها ٦ شهور من تاريخ الكشف الطبي مش من تاريخ المقابلة عشان متضيعش شهر او شهرين بالاونطة
بيكون معاك صورة الباسبور و صورة من الجواب التاني و صور شخصية خلفية بيضاء
٧- رسالة التأكيد الخاصة بإرسال ds260
٨- وثيقة الزواج للمتزوج و وثيقة الطلاق للمطلق
٩- ورقة الضامن وهو شخص يكون مقيم بامريكا قانونيا او حامل الجنسية الامريكية و يقدم الضامن ما يثبت قدرته علي كفالتك بعض الدول تستثني من الضامن كمصر
١٠- ورقة من شركة الشحن المتعاقدة مع السفارة ببلدك كارامكس بمصر و ده عشان يشحنوا ليك الجواز و عليه التأشيرة باذن الله لعنوانك
بترجم و تصدق كل الاوراق دي .... التصديق هيفيك لما تيجي امريكا عشان لو حبيت تدرس او تعادل شهادتك و كده و طبعا بتاخد معاك الاصل و الترجمة
بس يا سيدي بتاخد أوراقك و بتطلع علي السفارة في اليوم المحدد لك متخدش معاك اي حاجة معدن حتي المفاتيح و الموبايل بيتسلم برة و بتدفع ٣٣٠ دولار للمقابلة طبعا ده للشحض الواحد لو متزوج يبقي ٦٦٠ ليك و لزوجتك و طبعا الفلوس دي لا تسترد لو لقدر الله اترفضت بالمقابلة
ملحوظات:
مدة التأشيرة ٦ شهور لازم تسافر خلالها
قيمة الجرين كارد ٢٢٠ دولار للشخص الواحد ممكن تدفعها عند المقابلة
لو لسة عندك جيش او متزوج أكثر من زوجة متتعبش نفسك من الاول لانك مرفوض !
ليست هناك تعليقات:
إرسال تعليق