اعلان هام للقراء والمشاهدين بالرجاء
والسماح داخل البلوجر الخاص بي (ehab10f) الضغط بالماوس فقط علي أي
اعلان داخل المدونة أو أي صفحة من صفحات الاعلان للأهمية في إستمرار البلوجر في الظهور
في بداية صفحات البحث داخل بحث جوجل لزيادة أعداد المتابعين لها
ورفع مستوي المدونة بين المدونات الاخري أرجو لا أحد ينسي ذلك ولكم جزيل
الشكر وفائق الاحترام لجميع منسوبي المدونة.ولسهولة البحث في جوجل اكتب فقط ehab10f لتظهر المدونة في اول صفحات بحث جوجل
فتظهر بهذا الاسم :ويمكن البحث
داخل البلوجر عن أي موضوع تحتاج أو تهتم به ويكون مكتوب داخل البلوجر ehab10f خالص تحياتي
لكم جميعا د/ ايهاب
Dr. Ehab Aboueladab
(PhD in Biochemistry)
Important announcement for readers
and viewers please and allow within my blog (ehab10f) Click with the mouse only on
any advertisement within the blog or any page of the announcement of the
importance of the blogger continues to appear at the beginning of search pages
within Google search to increase the number of followers and raise the level of
blog among other blogs I hope no one forgets this and thank you very much and
respectful to all members of the blog.
Dr. Ehab Aboueladab (PhD in Biochemistry)
It can search inside the blog for any
topic you need or care about it and be written inside the blog ehab10f sincere greetings to all of you
dr / ehab
لازم تمتحن البرومترك في مصر علشان تقدر تلاقى فرصه كويسه ويعطيك افضليه عن غيرك
بالاضافه انك لو سافرت الكفيل عايزك من أول يوم تشتغل طبعاً مش هتبقا فيه وقت للمذاكرة وهتبقا تحت ضغط عصبي رهيب كمان ممكن تروح تمتحن في مكان بعيد تتبهدل والكارثة لو لم تجتاز الأمتحان هيخليك تدخل تاني بسرعة عشان يطلعلك مزوالة المهنة وللأسف لو منجحتش القانون السعودي حتي لو مش مكتوب ده في العقد بيديله الحق يرجعك بلدك ويحملك كافة المصروفات تذاكر الطيران الي جيت بيها والي هتروح بيها وتكاليف الأقامة والنسب والسكن وقيمة التأشيرة و و يعني لو كفيل سيء ممكن ياخد منك أضعاف الي خدته منه لذلك أمتحن في مصر براحتك وكمان معظم العقود السعودية بقا من الشروط حاصل علي ترخيص الهيئة هو مش عايز يخاطر هو كمان يعني هتحسن فرصتك في العمل وبمكان محترم كمان في الأتفاقات علي الراتب الي معاه برومترك بيفرق كتير في الراتب
هتجهز اوراقك كامله علشان تقدم على ممارس على النت
الاوراق المطلوبه للتقديم لممارس ....تجهز الاوراق دى وتتسحب سكانر
- شهادة البكالوريوس + بيان درجات البكالوريوس
- شهاده الدبلومه او(الماستر) + بيان درجات الدبلومة (الماستر+اى دبلومات او شهادات اضافية ايضا )
- شهادة الخبره (من اى مكان موضحه البدايه والنهايه بالتاريخ وموضحه لعنوان ووسيله اتصال بالمكان ومختومه وممضيه فقط م المكان ) على ورق ريبورت من المكان مش مطلوب اى توثيقات
- شهادة المزاوله للمهنه ( لو موجود تصريح مزاولة المهنه بتاع وزارة الصحه ..لو غير موجوده يبقى شهادة المزاوله من نقابة العلميين الى هو الخطاب ) بتكون عباره عن خطاب موجه لوزارة الصحه بيفيد انك اخصائية ومسجله بالنقابه (مش شرط ومش مهم بس لو موجود ضيفه للاوراق) بس حاول تخليه بدل مهو موجه لوزاره الصحه قوليلهم موجه للهيءة السعوديه للتخصصات الصحيه
- جواز السفر
-صورة شخصية 4*6
التوثيق ::
حاليا لم يعد مطلوب اى توثيقات للهيئة فقط .. انت هتستخرج شهاداتك من الجامعه البكالوريوس + بيان درجات البكالوريوس ... وبالمثل للدبلومة او الماستر .. وتوثقها بس بختم الجامعه .......وبعد كده لما بتقدم بيتعملها حاجه اسمها داتا فلووهى انك بتدفع رسو لشركه داتا فلو وهى بدورها بتقوم بالتصال بالفاكس بالجامعه يسالوهم عن صحة الشهادة
شهادة الخبره لازم تكون على ورق ريبورت من المعمل او المستشفى موضحا بها اسم المكان وعنوانه وطريقه التواصل سواء فاكس او تليفون او اميل .. زى ورق الريبورتات كده ولازم تكون محدده الفتره بتاريخ بدايه ونهايه .....وممنوع كلمة وحتى تاريخة... واضح بيها اسم المكان وكيفية التصال بيه...مش مطلوب لها اى توثيقات نهائى ...لان الداتا بعد كده انت بتدفع رسومها وهما الى بيتصلوا بالمعمل يسالوه عن صحه الشهاده ممكن بالتليفون بالاميل باى وسيله عادى ..
ملحوظة لو انت هتعمل استقدام لاسرتك هتحتاج توثق المؤهل (البكالوريوس ) بتاعك من الملحقيه ثم القنصليه ..متقلقش بيتم الامر ده لما اتتكون خلاص هتسافر وبتاخد التاشيره عالجواز---وكمان عشان الاستقدام محتاج توثق قسيمة الجواز وشهادات ميلاد الاولاد توثيق لحد القنصليه
طريقة التقديم على ممارس للحصول على تصنيف ورقم احقيه عشان نقدر بعدها نحجز للامتحان
ممارس : هو وصلة بينك وبين هيئة التخصصات السعودية
لمن هم خارج المملكة يتم من خلاله اصدار رقمين
رقم أحقية الامتحان لحجز البرومترك
ورقم أحقية التوثيق للداتا فلو
رقم أحقية (رقم الجلوس ) الامتحان بيكون صالح لمدة 6 أشهر من تاريخ اصداره صالح لحجز الامتحان من على موقع البرومترك وان لم يتم التقدم تحتسب مرة من مرات دخولك
رقم احقية التوثيق يتيح لك توثيق شهاداتك من على موقع الداتا فلو وبيكون لاخر شهادة علمية حصلت عليها بالاضافة لشهادة خبرة
طريقة اصدار رقم أحقية من ممارس
https://youtu.be/bvZ90fdWLZs
موقع ممارس : http://goo.gl/8vkWRJ
طريقة توثيق الشهادات من خلال موقع داتا فلو (مش مهمه اوى وانت فى مصر وكمان تكلفتها عاله خليها احسن لما تسافر تبقى تعمل وانت داخل المملكه)
شرح فيديو https://goo.gl/ABWlsk
شرح بى ددى اف
http://www.scfhs.org.sa/Registration/Documents/How%20to%20Apply.pdf
موقع الداتا فلو : https://www.dfscfhs.com/Section1.aspx
بعد الموافقة علي الملف وأصدار رقم أحقية للامتحان لازم تستخدم الرقم للحجز فى خلال 3 شهور ويبقا من حقك تدخل الأمتحان 3 مرات
لو لاقدر الله لم تجتاز المحاولة الأولي بتنتظر لحد مالنتيجة تتبعت من أمديست للهيئة وتنزل علي موقع ممارس رسالة نتيجة سلبية ويتيح ليك محاولة أخري وده بياخد حوالي 10 أيام بعد كده تقدر تحجز المرة الثانية وكل محاولة تكون مدفوعة القيمة
لاقدر الله لم تجتاز المحاولة الثانية تنتظر فترة قد تمتد لشهر لحين ظهور النتيجة مرة أخري علي موقع الهيئة نتيجة سالبة وبعدها تعمل تنشيط لرقم الأحقية وده طبعاً بفلوس وبعد كده يديك محاولة ثالثة وأخيرة ويشترط إني الثلاث محاولات يكونوا في خلال 6 شهور من صدور رقم الأحقية طيب لو لم تجتاز المحاولة الثالثة يبقا أنت مش محظوظ وعوضك علي الله في فلوسك أدعي علي الظالم والمفتري بقا
ويبقا كده مش هتقدر تمتحن لمدة عام وتمنع من مزاولة المهنة بالمملكة
خلصنا الرقم ...نيجى بقى للخطوة التانيه وهى اما حجز برومترك او بيرسون فيو (لاخصائى الكمياء الحيويه بس)
نروح الاول لطريقة حجز البيرسون فيون (لاخصائى الكمياء الحيويه بس)
الموقع
https://www.pearsonvue.ae/Clients/SCFHS.aspx
شرح طريقة الحجز
http://www.scfhs.org.sa/Registration/exams/Documents/PearsonVUEPresentation.pdf
اماكن بيرسون فيو:______
فى القاهر - GLOBAL KNOWLEDGE
فرع مساكن شيراتون
16 بلوك 1137 - ش مصطفى رفعت
من رمسيس تركب ميني باص لشيراتون وقله نزلني مصطفي رفعت هينزلك الناصية تدخل الشارع خطوتين وتلاقي المبني يمينك
مساكن شيراتون - مصر الجديدة - القاهرة
الخط الساخن: 16142
التليفون: 0222691982 - 0222902148
الفاكس: 0222692041
---------------------------------------------
الجامعة الامريكية - القاهره
التجمع الخامس القاهرة الجديدة
واسهل طريق بيكون من رمسيس..من قدام مسجد الفتح بيكون ف اتوبيس بيمر كل 10 دقايق..رقمه 1062..بيوصل لمكان الجامعه..بعد كده بنمشى شويه لحد بوابه 4 اللى منها مكان الامتحان
أو تركب من الدائري لموقف السلام بعد كده للتجمع الخامس
---------------------------------------------
نيو هوريزون- اسكندرية
ش الحريه المتفرع من ش رشدى فيلا رقم 431 بجوار البنك العربى الافريقى تنزل محطة سيدى جابر وتركب الترام وتنزل محطة رشدى
=--=-=-=-==-=-==-=--=-=-=-=-==-=-=-=-=-=-=-=-=-=-=-=-=-=-=-=-=-=-=-=-=-
اما الجماعه بتوع برومترك ....طريقة حجز امتحان البرومترك ودى بتكون (للاخصائى المختبر العام -فنى المختبر العام- فنى الميكروبيولوجى - اخصائى الميكروبيولوجى )
موقع البرومترك :
https://www.prometric.com/en-us/clients/schs/Pages/landing.aspx
شرح طريقة الحجز
http://www.scfhs.org.sa/Registration/exams/Documents/prometricPresentation.pdf
--------------------------------------------------------------------------------------
مكان الامتحان .
فرع برومترك بالااميد ايست ..
فرع القاهره
23 شارع محي الدين ابو العز اللي هو متفرع من شارع الدقي - الجيزة
بص انت تركب مترو شبراالخيمه المنيب - وتنزل محطة البحوث - وتسال عن شارع محي الدين ابوالعز هتلاقي يافطة في المترو تطلعك عليه - هو علي بعد خمسه متر من محطة المترو وتدخل فيه وتخليك ماشي طوالي بتاع 500 متر هتعدي علي شوية بنوك سيتي بنك وبنوك اخري المكان ومطعم اسمة اكلات اجددي واكل من زمان هو اسمه كده وعموما المكان مكان سبع ادوار بالازاز كله من بره الازاز لونه ازرق والمكان مميز وعلي الشمال
------------
امديست فيه فرع تاني بالاسكندرية
15 شارع عبد الحميد العبادي بجوار مدرسة طه حسين الاعدادية بنات - رشدي، الاسكندرية
==========تعليمات للامتحان========================
لازم طبعاً التواجد قبل الأمتحان بساعة وغالباً أول ما بتيجي تقدر تدخل علي طول
اخد معايا ايه وانا رايح
تاخد معاك الباسبور
مهم جدا لو الباسبور مش معاك ممكن متدخلش الأمتحان فأحرص أن يكون معاك الباسبور يوم الأمتحان
ماتحاولش تكلم حد جنبك لأنك مصور بالكاميرات وممكن يلغوا أمتحانك
بلاش تاخد معاك حاجات كتير
زي شنط ولاب توب وكده
لان كل ده بتسيبه بيديلك دولاب صغير تحط فيه حاجاتك
وممنوع اي حاجه ممنوع الموبايل الساعه الفلوس سواء فاضيه او ورقيه ممنوع المناديل ممنوع اي شيء في جيوبك
فحاول ماتكترش في الحاجات اللي معاك عشان الدولاب اللي هاتسيب فيه الحاجات صغير
لما اوصل اعمل ايه
مدخل المكان في الجنب علي اليمين
تدخل وتطلع الدور الاول علوي
وتسال عن مكان امتحان البرومترك أوعي تقعد في قاعة الأنتظار دول ناس جايين يعملوا حاجات تانية
هناك هتلاقي قاعتين للامتحان
بتنتظر حتي يخرج واحد مسؤل عن القاعه وده بيخرج تقريبا كل خمس دقايق وتقوله انا فلان وجاي امتحن برومترك سعوديه وميعادي الساعه كذا وفيه نقطه مهمه انك تروح قبل ميعادك اقل حاجه ساعه انا مثلا ميعادي الساعه11 ورحت تسعه ونص دخلت الساعه 10 قبل ميعادي بساعه طول مافيه مكان فاضي بيدخلك
بتدخل بيديك ورقه مكتوبه بالعربي او الانجليزي بتعليمات الامتحان تقرأها
وبعدين بيقولك حاجه غريبه خالص
بس ماتضحكوش عليا
بيقولك طلع كل اللي معاك من جيوبك
وطلع جيوب البنطلون لبره
وارفع رجل البنطلون عشان يشوف الشراب وحط ايديك في جيوبك اللي وراه عشان يشوف فيها حاجه ولا لا
وبعد كل ده
يعدي عليك جهاز يشوف معاك حاجه ولالا
وبعدين بيقعدك علي كرسي ويصورك صوره بالكاميرا عشان بعد كده هي دي الصوره اللي هتنحط علي الشهاده
وهيقولك انت هاتقعد علي الكرسي ولما تعوز حاجه ارفع ايديك بس هتلاقيني عندك خلال ثواني
علي فكره الامتحان مراقب بكاميرات ومسجل صوت وصوره
. المهم هتدخل الامتحان هتقعد خمس دقائق الاول قدام الجهاز يديلك شوية معلومات انهم 100 او 70 (حسب تخصصك)سؤال اختياري وانك لو متأكد من اجابتك هتعمل next علشان تروح للسؤال اللي بعده ولو مش متأكد من الاجابة وشاكك في اجابة تانية او انك مش عارف الاجابة اصلا هتختار mark و بكده تكون حددت السؤال ده بحيث انك لما هتمر عالاسئلة كلها هيظهرلك في الاخر sheet فيه الارقام بتاعة ال100 سؤال بحيث هتشتمل علي رقم السؤال وتعرف اذا كنت حليته مباشرة ولا عملتله mark وبالتالي هتضغط عليه تاني علشان تفكر فيه بهدوء كده وترسالك علي جواب ...
علي يمين الشاشه ساعه بالعد التنازلي تقولك فاضل اد ايه
بص بقي السؤال عباره عن
سؤال واربع اختيارات وفيه تحت اربع مربعات
review:
ده معناه انك ممكن تشوف اللي قبل كده من الاسئله في ريبورت كام سؤال اتجاوب وكام سؤال عديته وده في اي وقت قبل او بعد ماتخلص
mark:
ده معناه انك تعلم علي سؤال عشان ترجع ليه بعد كده بسهولة
next:
وهو ده اهم سؤال لانه معناه ان اختيارك تمام ومعناه انه ينقلك علي السؤال اللي بعده
back:
ممكن ترجع بيه لاي سؤال ورا
بتحل عادي خالص وبص بقي ممكن ترجع لاي سؤال في اي وقت والوقت كاف جدا جدا جدا
بعد لما تخلص ابقي راجع تاني
لما تخلص
بيجيلك اربع ازرار تحت
end:
معناه انك خلصت ومش محتاج تراجع وخلصت كل حاجه واول ماهاتطغط عليه النتجه هاتطلع مباشرة قدامك
review all: وده شرحناه من قبل
unmarked: وده للاسئله الل انت ماعلمتش عليها وماجاوبتش عليها
بص بقي لازم تعرف انك مكن ترجع في اي وقت لاي سؤال سواء اتجاوب عليه او لا
طالما لم تضغط end
خلصت بترفع ايدك والمراقب بيشوفك في الكاميرا اللي قدامك فبيجيلك وبتقوله انا كده خلصت واساله برضه للتاكيد انا كده جاوبت كل الاسئله هيشوف ويقولك تمام اوك اضغط end
او مش محتاجه يجيلك وحلصت هتضغط end
هيظهرلك نتيجتك;
الدرجه بتاعتك كام
ناجح ولالا pass
كل فرع من فروع الامتحان جيبت فيه كام بالتفصيل
بتقوم
تطلع تلاقيه بيديك الشهاده بتاعتك وهي ورقه ابيض واسود صوره يعني بس عليه في اخرها ختم محفور عليه اسم البرومترك وتاريخ الامتحان الختم مش ظاهر لكنه محفور
حافظ علي الشهادة دي جداً وأوعي تديها لأي مكتب لأني النسخة الي بتاخدها أصلية ممكن تحافظ عليه لحد السفر وتصورها صور كتير وتتعامل بالصور
=======================================
سياسة تعديل المواعيد لبرومترك وبيرسون فيو
- برومترك :
بالنسبة للسعودية
لتعديل الميعاد لابد أن يكون متبقي علي ميعاد الأختبار أكثر من 16 يوم
في حالة متبقي علي الميعاد من 5: 15 يوم يتم دفع رسوم مالية لتعديل الميعاد
في حالة متبقي أقل من 5 أيام علي ميعاد الأختبار لايقدر المتقدم علي تغيير ميعاد الأختبار
- بيرسون فيو
لتعديل الميعاد لابد من أن يكون متبقي علي ميعاد الأختبار أكثر من 48 ساعة للتعديل
==================================================
إيميلات هامة
الهيئة السعودية ليها إيميلان يرد عليك خلال 48 ساعة عمل لو عندك أي أستفسار أو أي مشكلة في الأوراق في الحجز في التفاصيل هيساعدوك فيها دول الإيميلين وغالباً الي بيرد حتي أسمه نجود
crmsupport@scfhs.org
sc-crm@scfhs.org
وده رقم تليفونات الهيئة
مركز الاتصال الموحد: 920019393
من جميع أنحاء العالم: 966114179900+
كمان لو عندك أستفسار خاص بأمتحان البرومترك لازم تراسل شركة البرومترك نفسها ودي الميلات بتاعتهم
pro.globalcandidateservices@prometric.com
DataProtectionManager@prometric.com
بيرسون فيو
0097144535380
هم بيردوا حتي لو أتأخروا شوية وبيساعدك في أي مشكلة
Best Wishes: Dr.Ehab Aboueladab - Email:ehab10f@gmail.com
ليست هناك تعليقات:
إرسال تعليق